काठमाडौं । नेपालमा मनसुन शुरु हुन अझै केहिदिन लाग्ने भएको छ । मौसम पूर्वानुमान महाशाखाका अनुसार सामान्यतया नेपालको पूर्वी भु–भागमा आजकै दिन अर्थात जुन–१० मा मनसुन सुरु हुने भएपनि यसवर्ष केहि दिन ढिला गरी मनसुन शुरु हुनेभएको हो ।
हाल देशको बाग्मती प्रदेश , गण्डकी प्रदेश, प्रदेश नं ५ का सबै भू–भागहरु लगायत प्रदेश १, कर्णाली प्रदेश र सुदुर पश्चिम प्रदेशका पहाडि भु–भागहरुमा र प्रदेश २ का पश्चिम तिरका भु–भागहरुमा सामान्य बदली रहेको छ भने बांकी भु–भागहरुमा आंशिक बदली रहेको छ। प्रदेश ५, बाग्मती प्रदेश, गण्डकी प्रदेशका थोरै स्थानहरुमा हल्का बर्षा भइरहेको महाशाखाले जनाएको छ।
प्रदेश नं १, प्रेदेश नं २,बागमती प्रदेश, गण्डकी प्रदेश र प्रदेश नं ५ का भू–भागमा सामान्य बदली रही थोरै स्थानहरु साथै कर्णाली प्रदेश र सुदुरपश्चिम प्रदेशमा आंशिक बदली रहि का एक वा दुई स्थानमा मेघगर्जन/चट्याङसहित हल्का वर्षाको सम्भावना रहेकोले सतर्कता अपनाउन महाशाखाले अनुरोध गरेको छ ।
आगामी तिन दिनको मौसम पूर्वानुमान
जेठ २८ गते (बुधबार)
दिउँसोः प्रदेश १, बागमती प्रदेश, गण्डकी प्रदेश र प्रदेश नं ५ का भू-भागमा सामान्य बदली रही बाँकी प्रदेशका भू-भागमा आंशिक बदली रहनेछ । प्रदेश १, बाग्मती प्रदेश , गण्डकी प्रदेश तथा प्रदेश नं ५ का थोरै स्थानहरु साथै प्रदेश नं २, कर्णाली प्रदेश र सुदुरपश्चिम प्रदेशका एक वा दुई स्थानमा मेघगर्जन/चट्याङ सहित हल्का वर्षाको सम्भावना रहेको छ।
रातीः प्रदेश १, प्रेदेश नं २,बागमती प्रदेश, गण्डकी प्रदेश र प्रदेश नं ५ का भू-भागमा सामान्य बदली रही बाँकी प्रदेशका भू-भागमा आंशिक बदली रहनेछ । प्रदेश १, प्रदेश नं २, बाग्मती प्रदेश, गण्डकी प्रदेश तथा प्रदेश नं ५ का थोरै स्थानहरु साथै कर्णाली प्रदेश र सुदुरपश्चिम प्रदेशका एक वा दुई स्थानमा मेघगर्जन/चट्याङ सहित हल्का वर्षाको सम्भावना रहेको छ।
जेठ २९ गते (बिहिबार)
दिउँसोः प्रदेश १, प्रदेश नं २ बाग्मती प्रदेश र गण्डकी प्रदेशमा सामान्य बदली साथै बांकी प्रदेशहरुमा आंशिक बदली रहनेछ।प्रदेश १, प्रदेश नं २ ,बाग्मती प्रदेश, गण्डकी प्रदेशका थोरै स्थानहरुमा र कर्णाली प्रदेश, सुदुर पश्चिम प्रदेश, र प्रदेश ५ का एक वा दुई स्थानमा मेघगर्जन/चट्याङ सहित हल्का वर्षाको सम्भावना रहेको छ।
रातीः प्रदेश १, प्रदेश २, बाग्मती प्रदेश, गण्डकी प्रदेश ,प्रदेश नं ५मा सामान्य बदली तथा कर्णाली र सुदुर पश्चिम प्रदेशमा आंशिक बदली रहनेछ।प्रदेश १, प्रदेश २, बाग्मती प्रदेश , गण्डकी प्रदेश तथा प्रदेश नं ५ का थोरै स्थानमा मेघगर्जन/चट्याङ सहित हल्का वर्षाको साथै वांकी प्रदेशका १-२ स्थानहरुमा हल्का वर्षाको समेत संभावना रहेको छ।
जेठ ३० गते (शुक्रबार)
दिउँसोः प्रदेश १, प्रदेश २, बाग्मती प्रदेश, गण्डकी प्रदेश ,प्रदेश नं ५ मा सामान्य बदली तथा कर्णाली र सुदुर पश्चिम प्रदेशमा आंशिक बदली रहनेछ।प्रदेश १, प्रदेश २, बाग्मती प्रदेश , गण्डकी प्रदेश तथा प्रदेश नं ५ का थोरै स्थानमा मेघगर्जन/चट्याङ सहित हल्का वर्षाको साथै वांकी प्रदेशका १-२ स्थानहरुमा हल्का वर्षाको समेत संभावना रहेको छ।
रातीः प्रदेश १, प्रदेश २, बाग्मती प्रदेश, गण्डकी प्रदेश, प्रदेश नं ५मा सामान्य बदली तथा कर्णाली र सुदुर पश्चिम प्रदेशमा आंशिक बदली रहनेछ । प्रदेश १, प्रदेश २, बाग्मती प्रदेश, गण्डकी प्रदेश तथा प्रदेश नं ५ का थोरै स्थानमा मेघगर्जन/चट्याङसहित हल्का वर्षाको साथै वांकी प्रदेशका १-२ स्थानहरुमा हल्का वर्षाको समेत संभावना रहेको छ।
