ललितपुर । ललितपुरको गोदावरीमा मृत अवस्थामा फेला परेका अमित शाहीको हत्या भएको हुनसक्ने आशंका गर्दै अनुसन्धान थालेको प्रहरीले जनाएको छ । गोदावरी नगरपालिका वडा नं. ३ टौखेल बस्ने ३८ वर्षीय शाहीको विभत्स अवस्थाको शव बुधबार विहान फेला परेको थियो ।

टौखेलमा मासु पसल चलाइरहेका शाहीको हत्या गरिएको सुनसक्ने भन्दै अनुसन्धानलाई तीब्रता दिएको महानगरीय प्रहरी वृत्त सातदोबाटोका डिएसपी मित्रबन्धु शर्माले जानकारी दिए ।

शाहीको शव मकैबारीमा रगत लत्पतिएको, दुबै हात र घाटी काटिएको र नजिकै खुँडा समेत फेला पारेको जनाएको छ । काठमाडौंको चन्दागिरी नगरपालिका १० स्थायी ठेगाना भएका शाही दुई छोरी र पत्नीसहित दश वर्षभन्दा अघिदेखि टौखेलमा मासु पसल खोलेर बसेका थिए ।

घटनाबारे के भन्छन् स्थानीय ?
शाहीलाई पसलमा देखेका स्थानीय इन्दु तण्डुकारले पनि उनको हत्या नै भएको हुनसक्ने बताईन । मंगलबार राति ८ बजे पसल बन्द गरेर दुई छोरीसँगै उनीपनि कोठामा आउनुभएको हो । ‘मैले बाबु यही खाना खाउँ भने तर, उहाँले भाउजु खाना त खानु हुन्थ्यो, दुई छोरी मेरा साथमा भएपनि अर्की छोरी (श्रीमती) खाना बनाएर पर्खेर बसिरहेकी छिन, म जान्छु भनेर कोठामा हाँसेर जानुभयो ।’ तण्डुकारले भनिन ।

उनका अनुसार शाही सबैसँग मिलनसार थिए, परिवारमा कहिलै झगडा परेको थाहा थिएन, बुढाबुढी अतिनै मिलेर बसेका थिए । कसरी यस्तो भयो भन्ने अचम्म लागिरहेको छ ।

श्रीमती रीता यसो भन्छिन
मंगलबार राती ११ बजेसम्म कोठामा टिभी हेरेर बसिरहेका थियौं । ११ बजेपछि छोरीहरु लसता र एन्जीलिकालाई तिमीहरु सुत्न जाउ भनेर आफूहरु सुतेको निजकी ३७ वर्षीया पत्नी रीता शाहीले बताइन । उनले भनिन, “म राती एक बजे बिउँझिए । यसो बेडमा छाम्दा उहाँलाई देखिन, टवाइलेट पो जानुभयो कि ? भनेर एकछिनपछि बोलाउँन ढोकामा पुग्दा बाहिरबाट चुकुल लगाएको रहेछ ।

निकै बेर ढोका हल्लाएर चुकुल खोलियो । आत्तिदै बाहिर जाँदा केही परे बारीमा उत्तानो परेर दुवै खुट्टा बेस्सरी ब्यान्डेजले बाँधिएको देखे । दुबै हातको ठाउँ– ठाउँमा र घाँटीमा चुप्पीले हानेको अवस्थामा फेला पारे ।

शरीर तातो नै थियो अनि आफूले चुप्पी बल्ल बल्ल घाँटीबाट झिके । कसले यस्तो ग¥र्यो भनेर ब्यान्डेज खोली अस्पताल लान खोज्दा उचाल्न नसकेपछि छोरीहरु बोलाए तर उनी बोल्न सकिनन् ।

बुधबार बिहान राती साढे एक बजेतिर घटनाबारे जानकारी पाएपछि महानगरीय प्रहरी प्रभाग बाडेगाउँ, महानगरीय प्रहरी वृत सातदोवाटो र महानगरीय प्रहरी परीसरको टोली घटनास्थलमा पुगेको थियो । बुधबार बिहान करिब साढे नौ बजे शाहीको शव पोष्टमार्टमका पाटन हस्पिटल लगिएको डिएसपी शर्माले जानकारी दिए । घटनाको थप अनुसन्धान गर्न कुकुर पनि ल्याइएको उनले बताए ।

यो पनि पढ्नुहोस्

विभत्स अवस्थाको ३८ वर्षीय पुरुषको शव टौखेलमा भेटियो