भक्तपुर । भक्तपुर प्रहरी परिसरको सन्चार शाखामा काम गर्ने एकजना प्रहरीमा कोरोना संक्रमण भएको पुष्टि भएको छ । राष्ट्रिय जनस्वास्थ्य प्रयोगशालामा गरिएको पीसीआर परीक्षणबाट परिसरमा प्रहरी जवानमा कोरोना संक्रमण पुष्टि भएको हो । फिल्डमा पनि नखटिने उनलाई कसरी संक्रमण भयो भन्ने खुल्न सकेको छैन ।
उनको चार दिनअघि आरडीटीबाट कोरोना परीक्षण गर्दा पोजेटिभ आएको थियो । त्यसपछि उनलाई कार्यालय परिसरमा छुट्टै राखिएको थियो । आरडिटी परिक्षण गर्दा पोजेटिभ देखिएपछि उनलाई पिसिआर गरिएको थियो ।
