काठमाडौं । पछिल्लो २४ घण्टामा ६ हजार १ सय ९८ नमुनाको पीसीआर टेस्ट गर्दा ५३५ जनामा कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमकाअनुसार सोमबार मात्र ५३५ जनामा संक्रमण पुष्टि भएसँगै संक्रमितको संख्या ९ हजार ५ सय ६१ पुगेको हो, जसमा पुरुष ८ हजार ५६७ र महिला ८९४ जना रहेका छन् ।
थपिएका नयाँ संक्रमितहरु मध्ये झापाका ३ , मोरङका १२, सप्तरीका १५ , धनुषाका १० , महोत्तरीका १,अछामका २ ,अर्घाखाँचीका ९, बैतडीका १४ , डडेलधुराका १५, डोटीका ७, गुल्मीका ५६ , जाजरकोटका १ , कैलालीका ५८, नवलपरासीका ५ , सर्लाहीका ४७, सिन्धुपाल्चोकका २, सिरहाका २३, स्याङजाका ३३ , पाल्पाका ९०, प्युठानका ३०, रौतहटका ३४ , रुपन्देहीका १० , चितवनका ५ , नवलपरासी पूर्वका २४ , ओखलढुंगाका १ , तनहुँका ११ र दाङका १३ जना रहेका छन् ।
मन्त्रालयका अनुसार सोमबार देशभर ९० हजार ७ सय ३० जना क्वारेन्टाइनमा रहेका छन् । त्यस्तै कुल ७ हजार ७ सय ८९ जना आइसोलेसनमा उपचाररत रहेका छन् ।
हालसम्म पिपिआरबाट १ लाख ८१ हजार ३७१ जना र आरडिटी विधिबाट २ लाख ६८ हजार १०३ जनाको परीक्षण गरिएको छ ।
पछिल्लो २४ घण्टामा ३७० जना डिस्चार्ज भएका छन् । २४ घण्टामा डिस्चार्ज हुनेमध्ये ३३८ पुरुष र ३२ महिला छन् । प्रवक्ता गौतमका अनुसार योसँगै डिस्चार्ज हुनेको संख्या २१ सय ४२ पुगेको छ, जसमा पुरुष १९ सय ६१ जना र महिला १६१ जना रहेका छन् ।
हालसम्म रसुवा बाहेक ७६ जिल्लामा संक्रमण फैलिएको छ । कोरोना भाइरस संक्रमणबाट मृत्यु हुनेको संख्या २३ पुगेको छ ।
