काठमाडौं । बिहीबार सुनको भाउ स्थिर रहेको छ । बिहीबार सुन प्रति तोला ९१ हजार १ सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ । बुधबार पनि सुन प्रति तोला ९१ हजार १ सय रुपैयामा कारोबार भएको थियो । यस्तै, तेजाबी सुन प्रतितोला ९० हजार ६ सय ६५ रुपैयाँमा कारोबार भइरहेको छ ।
तर आज चाँदीको भाउ भने घटेको छ । आज चाँदी प्रति तोलमा १० रुपैयाँले घटेर ९३५ रुपैयाँमा कारोबार र्भरहेको छ । बुधबार चाँदी प्रतितोला ९ सय ४५ रुपैयाँमा कारोबार भएको थियो ।
कोरोना महामारी रोकथाम तथा नियन्त्रणका लागि गत चैत ११ गतेदेखि लकडाउन जारी रहेको छ। त्यसबीच सुनचाँदी व्यवसाय पनि चैत ११ गतेदेखि बन्द रहेकोमा गत जेठ २५ गतेबाट खुलेको थियो। त्यसयता लगातार बढिरहेको सुनको भाउ मंगलबार पहिलोपटक घटेको थियो ।
