ललितपुर । ललितपुरमा कोरोना संक्रमितको संख्या ह्वात्तै बढेको छ । स्वास्थ्य तथा जनसंख्या मन्त्रालयका अनुसार सोमबार जिल्लामा एकैदिन २० जना संक्रमित थपिएका छन् । संक्रमित मध्ये एक जना भने गेष्ट हाउसमा बस्ने समेत रहेका छन् ।
सरकारले लकडाउन गरिरहेको बेला लगनखेलमा सञ्चालित मनकामना गेष्ट हाउसमा बसेका एक ६० वर्षिय महिलालाई कोरोना संक्रमण पुष्टि भएको मन्त्रालयका प्रवक्ता प्रा.डा. जागेश्वर गौतमले जानकारी दिए ।
जिल्लामा संक्रमितको संख्या ह्वात्तै बढेसँगै प्रशासन र विभिन्न स्थानीय तहले सतर्कता बढाएका छन् । उपत्यकाबाहिर रहेका व्यक्तिहरु उपत्यका प्रवेश गरेसँगै जिल्लामा पनि संक्रमित बढेका हुन् ।
