काठमाडौं । नेपाल स्टक एक्सचेन्ज (नेप्से) बजार खुलेको ६ मिनेटमै नेप्से सूचक ४ प्रतिशत बढेपछि शेयर कारोबार २० मिनेटको लागि स्थगन गरिएको छ ।
बजार खुलेदेखि नै उच्च रुपले बढ्न थालेको नेप्से सूचक ६ मिनेटमा नै ४.०५ प्रतिशत अर्थात ५६.४४ अंकले बढेको छ ।
यस अवधिमा नेप्से सूचक ५६.४४ अंकले बढेर नेप्से १४५१.२१ विन्दुमा पुगेको छ भने ३ करोड ६९ लाख ८५ हजार ८०८ रुपैयाँ बराबरको कारोबार भएको छ । यस अवधिमा १ लाख ८ हजार ७० कित्ता शेयरको किनबेच भएको छ भने ३८७ वटा कारोबार भएको छ ।
