काठमाडौं । पछिल्लो २४ घण्टामा देशका विभिन्न २८ वटा प्रयोगशालामा गरिएको ३ हजार ७७९ जनामा पिसीआर परीक्षणमा १०० जना संक्रमित थपिएका छन् । स्वास्थ्य तथा जनसंख्या मन्त्रालयले कोरोना अपडेटबारे बुधबारको नियमित प्रेस ब्रिफिङमा यस्तो जानकारी दिएको हो ।
आज काठमाडौंका ३ जना कोरोना भाइरसको संक्रमण भेटिएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।
मन्त्रालयका अनुसार बुधबार देशभर २० हजार ८४२ जना क्वारेन्टाइनमा रहेका छन् । त्यस्तै कुल ५ हजार ३६८ जना आइसोलेसनमा उपचाररत रहेका छन् ।
आज २०७ जना डिस्चार्ज भएका छन् । योसँगै नेपालमा डिस्चार्ज हुनेको संख्या १२ हजार ६८४ जना पुगेको छ । नेपालका ७७ जिल्लामा कोरोना भाइरसको संक्रमण फैलिएको छ ।
आज धनुषाका ६० वर्षको पुरुष र चिनिया नागरिक ५९ वर्षिय नागरिकको मृत्यू भएको छ । योसँगैनेपालमा कोरोना संक्रमणबाट ४२ जनाको मृत्यु भएको छ ।
