काठमाडौं । उपत्यकाको तीनै जिल्लामा कोरोनाको जोखिम बढेको भन्दै सर्टडाउन गर्नसम्मको अख्तियारी पाएपछि जिल्ला प्रशासन कार्यालयले तयारी थालेका छन् ।
काठमाडौं, ललितपुर र भक्तपुर तीनै जिल्लाका प्रमुख जिल्ला अधिकारी (सीडीओ)को बैठकले कोरोना संक्रमण बढेको भन्दै जिल्ला प्रशासन कार्यालयबाट अत्यावश्यकबाहेकका सेवा १५ दिनलाई स्थगित गर्ने निर्णय गर्दै आवश्यक परे लकडाउन गर्नेसम्मको तयारी थालेका हुन् ।
शुक्रबार विहान बसेको सिडिओहरुको बैठकले अन्य सरकारी कार्यालयको हकमा कार्यालय प्रमुखले निर्णय गर्न जिम्मेवारी पनि दिएको छ ।
बैठकले मास्क र स्यानिटाइजरको प्रयोग नगर्ने तथा सुरक्षा सावधानी नअपनाउनेलाई कडा कारबाही गर्ने तथा सवारी साधनमा लागू गरिएको जोरबिजोर प्रणालीलाई कडाईका साथ पालना गराउने पनि निर्णय गरेको छ ।
