ललितपुर । ललितपुरको चापागाउँ छम्पी जोड्ने फलामे पुल भाँच्चिदा एक गाडी चालकको मृत्यु भएको छ । लामो समयदेखि टेको लगाएर राखिएको पुल सोमबार राति भाँच्चिदा एक टिपर चालकको मृत्यु भएको हो । सहचालक भने सकुसल रहेको छ ।
पुल भाँच्चिएर गाडीमा ठोक्किदा ना ८ ख ८१९१ नम्बरको टिपर चालक गोदावरी वडा नं. ७ बुरुञ्चुलीका ३० वर्षका अजय मार्फाको मृत्यु भएको महानगरीय प्रहरी वृत्त चापागाउँका प्रहरी निरीक्षक राजेन्द्र थापाले दैनिकीन्युजलाई जानकारी दिए । टिपर नख्खुबाट टिकाभैरवतर्फ जाँदै थियो ।
घाइते भएका मार्फालाई उपचारका लागि मेडिसिटी अस्पताल लगिएकोमा चिकित्सकले मृत घोषणा गरेका थिए ।
