ललितपुर । ललितपुर जिल्लामा हालसम्म कोरोना भाइरस (कोभिड–१९) संक्रमणका कारण ५७२ जनाको मृत्यु भएको छ । ललितपुर महानगरमा ४१९, महालक्ष्मी नगरपालिकामा ६५, गोदावरी नगरपालिकामा ७६, कोन्ज्योसोम गाउँपालिकामा ५, वागमती गाउँपालिकामा २ र महांकाल गाउँपालिकामा ५ जना गरी ५७२ जनाको कोरोनाले मृत्यु भएको स्वास्थ्य कार्यालय ललितपुरका वरिष्ठ जनस्वास्थ्य अधिकृत सतिश विष्टले जानकारी दिए ।
ललितपुर जिल्लामा हाल २४५ जना संक्रिया संख्या रहेको विष्टको भनाई छ । उनका अनुसार हालसम्म जिल्लामा ६ लाख ९५ हजार ३४७ जनामा पिसिआर र १८ हजार ६२१ जनामा एन्टिजेन्टबाट परीक्षण गर्दा ५२ हजार ३३१ जनामा कोरोना पोजेटिभ देखिएका छ । पोजेटिभ मध्ये ५१ हजार ५०२ जना निको भई भएको छ । बिष्टले भने, ‘जिल्लाको महांकाल गाउँपालिका, कोन्ज्योसोम गाउँपालिका र बागमती गाउँपालिकामा कोरोना संक्रमित छैन । ललितपुर महनगरमा १९६, महालक्ष्मीमा ४१ र गोदावरी नगरपालिकामा ८ जनामा कोरोना पोजेटिभ छ ।’ ललितपुरमा ६३ प्रतिशत जनताले पहिलो खोप र ५५ प्रतिशतले दोस्रो खोप लगाइएको अधिकृत विष्टले बताए ।
