बाँके । बाँकेको नेपालगन्जस्थित भेरी अस्पतालको क्वाटरमा निसासिएर एकै परिवारका ४ जनाको मृत्यु भएको छ। तीन जना बेहोस अवस्थामा भेटिएका छन् ।
प्रहरीका अनुसार अस्पतालको क्वाटरमा बसेका २३ वर्षिय कार्यालय सहयोगी धनप्रसाद भट्टराई र उनका परिवारका सदस्यहरूको मृत्यु भएको हो।
क्वाटरभित्र निसासिएर कालीकोट खाडाचक्रका धनप्रसादसहित उनकी आमा कोकिला भट्टराई, दिदी नन्दकली र उनका ३ महिनाका छोरा इप्सनको मृत्यु भएको हो।
घटनाबारे अनुसन्धान भइरहेको प्रहरीले जनाएको छ ।
