ललितपुर । जिल्ला सहकारी संघ लिमिटेड ललितपुरको ३० औं वार्षिक साधारण सभाले केदार गोर्खाली नेतृत्वको प्यानल नै विजयी भएको छ । आइतबार संघको नयाँ नेतृत्व चयनका लागि संघको कार्यालय महालक्ष्मीस्थानमा मतदान गरेका थिए । सोमबार बिहान घोषणा भएको निर्वाचन परिणाम अनुसार अध्यक्षमा केदार गोर्खाली, उपाध्यक्षमा राम शरण बस्नेत, महिला उपाध्यक्षमा शशी खड्का गुरूङ, सचिवमा अनिल वीर बज्राचार्य, कोषाध्यक्षमा रूपेश तिमल्सिना बिजयी भएका छन् । यस्तै निर्वाचनबाट महिला सदस्यहरुमा सुष्मा भुजेल महर्जन, ईन्द्र कुमारी थापा, शान्ता लक्ष्मी खड्गी, शर्मिला सिं तथा शर्मिला तिमल्सिना बिजयी भएका छन् ।
प्राप्त नतिजा अनुसार अध्यक्षमा गोर्खालीले २३९ मत पाउदा उनका निकटम प्रतिस्पधी राजेन्द्र पौडेलले १६५ मत प्राप्त गरेका थिए । त्यस्तै खुला उपाध्यक्षमा रामशरण बस्नेतले २५२ मत, महिला उपाध्यमा शशि सड्का (गुरुङ) ले २९७ मत, सचिवमा अनिल वीर बज्राचार्यले २७२, कोषाध्यक्षमा रुपेश तिमल्सिनाले १९८ मत ल्याई बिजय भएका छन् ।
निर्वाचनले संचालक समिति (संघ) तर्फ पुरुषोत्तम बजगाई, खुला सञ्चालक समितितर्फबाट नवराज बिष्ट, शम्भु प्रसाद पौडेल, राम भक्त महर्जन, किरण महर्जन, राम गोपाल महर्जन चुनेको छ ।
यस्तै लेखा सुपरिवेक्षण समिति संयोजकमा उपेन्द्र अवाले तथा सदस्यमा बद्री प्रसाद सञ्जेल र महेन्द्र कुमार महर्जनलाई चयन गरेको छ ।
४ वर्षे कार्यकालका लागि २० सदस्यीय कार्यसमिति छनोट गरेको निर्वाचनको परिणाम सोमबार बिहान निर्वाचन अधिकृत विजयराज घिमिरेले घोषणा गरेका हुन् ।
संघमा आवद्ध ७८७ सहकारी संस्थाहरुका ४३२ मतदाता मतदानका लागि योग्य थिए । आइतबारको निर्वाचनमा ४२२ जनाले मताधिकार प्रयोग गरेका थिए ।
वस्तुगत ११ संघहरु मध्येबाट जिल्ला दुग्ध संघका पुरुषोत्तम बजगाई निर्विरोध निर्वाचित भएका थिए । संघका १८ सञ्चालक समिति, ३ जना लेखा समिति र एक जना निवर्तमान अध्यक्ष पदेन सदस्य रहने व्यवस्था छ ।
