काठमाडौं । ललितपुरको एकान्तकुनामा भएको दुर्घटनामा एक जनाको मृत्यू भएको छ । एक जना घाइते भएका छन् ।
गएराति ९ बजे रोकिराखेको बा ३ ख ५७७ नम्बरको टिपरमा वाग्मती प्रदेश ०२–०२७ प ६३३८ नम्बरको मोटरसाइकल ठोक्किँदा मोटरसाइकलका चालक खोटाङ घर भइ ललितपुरको ठेचो बस्ने २३ वर्षका ठगिन्द्र राईको ज्यान गएको प्रहरीले जनाएको छ ।
दुर्घटनामा गम्भीर घाइते भएका उनको उपचारका क्रममा अल्का हस्पिटलमा मृत्यू भएको हो । दुर्घटनामा मोटरसाइकलको पछाडि सवार ललितपुरको महालक्ष्मी नगरपालिका बस्ने ३५ वर्षीय सुरज अधिकारी घाइते भएका छन् । उनको अल्का अस्पतालमा उपचार भइरहेको छ ।
टिपर चालकलाई प्रक्राउ गरिएको प्रहरीले जनाएको छ ।
