ललितपुर । प्रतिनिधिसभा निर्वाचन क्षेत्र नं ३ का लागि २२ जनाको उम्मेदवारी परेको छ । पाँचदलीय गठबन्धनबाट नेकपा (माओवादी केन्द्र) का उम्मेदवार पम्फा भुसालले उम्मेदवारी दर्ता गराएकी छिन् भने एमालेका तर्फबाट अमृत खड्काले उम्मेदवारी दर्ता गराएको छ । भुसाल नेपाल सरकारका वर्तमान उर्जा, जलस्रोत तथा सिंचाई मन्त्री हुन् ।
प्रदेशसभा ललितपुर ३ (क) निर्वाचन क्षेत्रका लागि १२ उम्मेदवारले उम्मेदवारी दर्ता गराएका छन् । प्रदेशसभा ललितपुर ३ (क) लागि पाँचदलीय गठबन्धनबाट नेकपा (माओवादी केन्द्र) का उम्मेदवार राजकाजी महर्जनले उम्मेदवारी दर्ता गराएको छ भने एमालेका तर्फबाट रघुनाथ महर्जनले उम्मेदवारी दर्ता गराएको छ । राजकाजी निवर्तमान प्रदेश सांसद हुन् ।
प्रदेशसभा ललितपुर ३ (ख) का लागि नौ उम्मेदवारले उम्मेदवारी दर्ता गराएका छन् । प्रदेशसभा ललितपुर २ (ख) लागि पाँचदलीय गठबन्धनबाट कांग्रेसका जितेन्द्रकुमार श्रेष्ठले उम्मेदवारी दर्ता गराएको छ भने एमालेका तर्फबाट प्रेमभक्त महर्जनले उम्मेदवारी दर्ता गराएका छन् । गठबन्धनका तर्फबाट उम्मेदवार बनेका जितेन्द्रकुमार श्रेष्ठ नेपाली कांग्रेस ललितपुर जिल्लाका सभापतिसमेत हुन ।
