राजिव श्रेष्ठ
धापाखेल
बुद्ध मानवलाई
क्रोध दानव तुल्याएपछि
जीन्दगी भो यौटा युद्ध मैदान
कति अघि बढ्ला र खै जीन्दगी ?
केवल सम्झौताको रहरमा
जब की जीवन त बदलिइसक्यो
बक्यौताको बहरमा !!
अब सुभाषित फूल फूल्ने छैनन्
जीवनको अत्यासलाग्दो बगैँचामा
केवल निराश आशाहरु
टोलाई बस्नेछन् फलैँचामा
नाटक मंचनको गन्थनले
रन्थनिएको रणभूमिमा
योद्धाहरु हैनन्
खाली पराजित मनहरु
तर्क वितर्क गरी बस्नेछन्
कुतर्कको सघांरमा !!
