काठमाडौं । आज आइतबार सुनचाँदीको भाउ स्थिर रहेको छ । नेपाल सुनचाँदी व्यवसायी महासंघले गत साताको शुक्रबारकै भाउमा सुनचाँदीको कारोबार भइरहेको जानकारी दिएको हो ।
महासंघले आज छापावाल सुनको भाउ प्रतितोला ९७ हजार ८०० रूपैयाँ कायम छ । यस्तै, आज तेजाबी सुनको भाउ प्रतितोला ९७ हजार ३०० रूपैयाँ छ । गत साताको शुक्रबार पनि यही भाउमा छापावाल र तेजाबी सुनको कारोबार भएको थियो ।
गत साताको बिहीबारदेखि निरन्तर नेपाली बजारमा सुनको यही भाउ कायम छ । बिहीबार सुनको भाउ तोलामा १ हजार रूपैयाँले बढेको थियो । यस्तै, आज चाँदीको भाउ पनि स्थिर छ ।
आज चाँदीको मूल्य प्रतितोला १२ सय ९५ रूपैयाँ कायम रहेको महासंघले जनाएको छ ।
