काठमाडौं । गुहेश्वरी मर्चेन्ट बैंकिङ एण्ड फाइनान्स लिमिटेडले गत आर्थिक वर्ष २०७८–०७९ को लाभांश प्रस्ताव गरेको छ ।
कम्पनीको पुस ५ गतेको सञ्चालक समितिको बैठकले गत वर्षसम्मको सञ्चित मुनाफाबाट हाल कायम चृक्तापूँजीको आधारमा ७ प्रतिशत बोनस शेयर र कर प्रयोजनका लागि ०.३७ प्रतिशत नगद लाभांश वितरणको प्रस्ताव गरेको हो ।
हाल कम्पनीको चुक्तापूँजी ९५ करोड ४ लाख रुपैयाँ रहेको छ । सोही पूँजीको आधारमा ६ करोड ६५ लाख २८ हजार रुपैयाँ बराबरको बोनस शेयर र ३५ लाख १ हजार ४७३ रुपैयाँ बराबरको नगद लाभांश वितरण गर्ने तयारी कम्पनीले गरेको हो ।
