काठमाडौं । काठमाडौंबाट बागमती प्रदेशको राजधानी हेटौडा जोड्ने भैसे भिमफेदी सडक खण्ड बिस्तारको काम अघि बढ्ने भएको छ ।
प्रदेश सरकारको मुख्यमन्त्रीमा नियुक्त भएसँगै मुख्यमन्त्री शालिकराम जम्कटेलले भैसे भिमफेदी सडक खण्ड बिस्तारमा देखिएको समस्या समाधान गर्न प्रदेश सांसद कुमारी मुक्तान, भिमफेदी गाऊँपालिका अध्यक्ष हिदम लामा, उपाध्यक्ष संजीब श्रेष्ठ र वडा नं. ४ का अध्यक्ष सागर पाण्डेसँग बिस्तृत छलफल गरेका हुन् ।
मुख्यमन्त्री निवास हेटौंडामा भएको छलफलले छिट्टै यात्रुहरु भोग्नु परेको समस्या बाटो विस्तारमा देखिएको समस्या हल गर्ने योजना तयार गरेको छ । केही समयलाई सवारी आवागमन रोकी सडक विस्तार गरिने मुख्यमन्त्री जम्कटेलले बताए ।
काठमाडौंबाट बागमती प्रदेशको राजधानी हेटौंडा जोड्ने भैंसे भिमफेदी सडक खण्ड विस्तारको काम अलपत्र पर्दा यात्रुहरु समस्यामा परेको गुनासो आए पछि मुख्यमन्त्रीको ध्यानाकर्षण भएको हो ।
