काठमाडौं । नेपाल स्टक स्क्सचेञ्ज नेप्सेमा चार कम्पनीको ८३ लाख कित्ता भन्दा बढि बोनस शेयर सूचीकृत भएको छ । सोमबार नेप्सेले सोल्टी होटल्स्, मेरो माइक्रोफाइनान्स लघुवित्त वित्तीय संस्था, नेपाल इन्स्योरेन्स र प्रिमियर इन्स्योरेन्स कम्पनीको बोनस शेयर सूचीकृत गराएको हो ।
उक्त कम्पनीको ८३ लाख ५० हजार ६८० कित्ता शेयर सूचीकृत गराएको नेप्सेले जनाएको छ । नेप्सेका अनुसार सोल्टी होटल्स्को ५ प्रतिशत बोनस शेयरपछिको ४२ लाख १३ हजार ५३३ कित्ता शेयर सूचीकृत भएको छ ।
त्यस्तै, मेरो माइक्रोफाइनान्स लघुवित्त वित्तीय संस्थाको १० प्रतिशत बोनस शेयरपछिको १२ लाख कित्ता शेयर सूचीकृत भएको छ ।
नेप्सेले नेपाल इन्स्योरेन्स कम्पनीको ८ प्रतिशत बोनस शेयरपछिको ११ लाख ५७ हजार ६९६ कित्ता र प्रिमियर इन्स्योरेन्स कम्पनीको १२.२५ प्रतिशत बोनस शेयरपछिको १७ लाख ४९ हजार ४५१ कित्ता शेयर सूचीकृत गरेको हो । सूचीकृत भएसागै उक्त शेयर दोस्रो बजारमा कारोबारमा आउने छ ।
