ललितपुर । नेपाल प्रेस युनियन ललितपुर शाखाको सातौ जिल्ला अधिवेशन शनिबार सम्पन्न भएको छ । शनिबार ललितपुरको बज्रबाराही स्थित भलिं पुःच पार्टी प्यालेसमा सम्पन्न अधिवेशनले केदारनाथ दाहालको अध्यक्षतामा १३ सदस्यीय नयाँ कार्यसमिति समेत सर्वसम्मत रुपमा चयन गरेको छ ।
अधिवेशनबाट उपाध्यक्षमा रूपकृष्ण कर्माचार्य, गोमा पाण्डे, प्रनिशा लक्ष्मी अधिकारी चयन भएका छन् ।
त्यस्तै, सचिवमा काजिमान खड्का, सहसचिवमा बिनिता डंगोल र कोषाध्यक्षमा प्रकाश थिङ चयन भएका छन् ।
त्यस्तै, सदस्यहरुमा रन्जीत धमला, अनिशा बिष्ट, शनिराज शाक्य, राजकुमार थिङ, अर्चना झा, अमरदीप श्रेष्ठ र सुनिता बिश्वकर्मा चयन भएका छन् ।
