काठमाडौं । नेपाली बजारमा सुनको भाउ आज घटेको छ । हिजो सुनको भाउ प्रतितोला एक लाख १३ हजार रुपैयाँमा कारोबार भएकोमा आज तीन सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ तोलामा एक लाख १२ हजार सात सय रुपैयाँ रहेको छ भने तेजावी सुनको भाउ प्रतितोला एक लाख १२ हजार १५० रुपैयाँ रहेको छ ।
त्यस्तै, आज चाँदीको भाउ पनि घटेको छ । हिजो चाँदीको भाउ प्रतितोला एक हजार चार सय ६५ रुपैयाँमा कारोबार भएकोमा आज प्रतितोला एक हजार ४४५ रुपैयाँ मूल्य कायम भएको महासंघले जनाएको छ ।
