बारा । बारा जिल्ला निजगढ नगरपालिका वडा नम्बर १३ मा संचालन भइरहेको फ्याफुल्ला नकआउट फुटबल प्रतियोगितामा न्यू जनजागृती फुटबल क्लब निजगढ–५ विजयी भएको छ ।
खुल्ला पुरुष फ्याफुल्ला नकाउट फुटबल प्रतियोगिता अर्न्तगत मंगलबार भएको खेलमा न्यू जनजागृती फुटबल क्लबले तपोभुमिसंग टाइब्रेकरमा ५– ३ को जित निकालेको हो ।
निर्धारित समय भित्र दुवै टोलीले खेल बराबर खेलेपछी खेलको निर्णय ट्राईब्रेकरबाट भएको थियो । यो जितसंगै न्यू जनजागृती फुटबल क्लब निजगढ–५ ले पानीट्याङ्की फुटबल क्लब रतनपुरसंगको फाईनल भिडन्तको भेट पक्का गरेको छ ।
उपाधीका लागि कार्तिक २ गते विहिबार यी दुई टोलिको खेल निकै प्रतिस्पर्धात्मक र रोमान्चक हुने छ । फाईनल खेलमा यी दुई टोलीले फ्याफुल्ला फुटबल क्लबको घरेलुु मैदानमा यो सिजन वर्षको पहिलो पटक आआफ्नो प्रतिभा प्रस्फुटन गर्नेछन ।
फाईनल खेल दिनको १ बजे शुरु हुने भएको छ । सो खेलको म्यान अफ द म्याच जनजागृती फुटबल क्लबका खेलाडी बिपिन मगर घोषित भएका थिए ।
मगरलाई श्री शिवशक्तेश्वर आधारभुत विद्यालयका पुर्व शिक्षाक गोबिन्द थापाले ट्राफी हस्तान्तरण गर्नुभएको थियो । खेलको मुख्य रेफ्री भुमिकाको रुपमा बारा जिल्ला फुटबल रेफ्री संघका महासचिव सियाराम कुमरले भुमिका निभाएका छन् । त्यस्तै सहायक रेफ्रीको तर्फ भने दिनेश गुरो र रामकृष्ण गुरोले साथ दिएका थिए ।
