काठमाडौं । शेयर बजार हप्ताको पहिलो दिन आइतबार दोहोरो अङ्कले गिरावट आएको छ । शेयर बजार परिसूचक नेप्से २६.३६ अङ्कले घटेर दुई हजार २२ दशमलव ९२ विन्दुमा झरेको छ ।
आज नेप्सेमा सूचीकृतमध्ये ३०४ वटा कम्पनीका १ करोड ५२ लाख ६८ हजार ३९९ कित्ता सेयर ५ अर्ब २४ करोड रुपैयाँभन्दा बढीको कारोबार भएको छ ।
आज हाइड्रोपावर बाहेक सबै समूहको शेयर घटेकोमा बीमा, उत्पादन तथा प्रशोधन, होटल तथा पर्यटन, व्यापार र विकास बैंक समूहको शेयर उच्च अङ्कले ओरालो लागेको छ ।
आज सबैभन्दा धेरै मानुषी लघुवित्तको शेयर छ प्रतिशतभन्दा धेरैले घटेको छ ।
समग्रमा बजार घटेको दिन आज तेह्रथुम पावर कम्पनीको शेयरमा सकारात्मक सर्किट लागेको छ । यस्तै चार वटा कम्पनीको शेयर झन्डै १० प्रतिशतले बढेको छ ।
यो दिन पनि सबैभन्दा बढी कारोबार सोनापुर आयल एन्ड मिनरल्सको भएको छ । कम्पनीको २८ करोड रुपैयाँभन्दा बढीको कारोबार भएको छ । यसैगरी, दोस्रोमा हाथवे इन्भेष्टमेन्ट नेपालको १९ करोड ९४ लाख रुपैयाँभन्दा बढीको सेयर खरिदबिक्री भएको छ। त्यसैगरी, माउन्टेन इनर्जि लिमिटेडको १५ करोड ९० लाख रुपैयाँभन्दा बढीको कारोबार भएको छ ।
