बारा । बारा जिल्लाको निजगढ नगरपालिकाका उत्तरी भेग रतनपुर क्षेत्रमा बाघले आतङ्क मच्चाएको छ ।
नगरपालिकाको वडा नं. १०, ११, १२ र १३ मा बाघले बाख्रा गाईभैंसीलगायतका पशु चौपाया एकाएक मार्न थालेको हो ।
बाघले गत हाप्ता निजगढ –१३ मा जय बहादुर स्याङ्तानको १० ओटा बाख्रा एकै चोटि मरेका थिए ।
त्यस्तैगरि सुकबहादुर थिङ्गका गोरुलाई समेत घाइते बनाएको छ । त्यस्तै सोही दिन निजगढ १० लाल स्थित सुन्दरबस्तीका किसानहरुको गोठमै बाघको आक्रमणबाट टुबा कान्छाको २ वटा गाई, श्याम बोम्जनको १ वटा पाडा र सानुमान जिम्बाको १ वटा बाख्रा गरि एकै टोलमा ४ पशु चौपाया मारिएको छ ।
त्यस्तै गरि रतनपुर र भक्तलालमा बाख्रा खानुका साथै १० बाख्रा मारेको छ । खोरमै पसेर बाघले बाख्रा खाएको निजगढ १० लालका किसानहरूले बताए।
आइतबार बाख्रा चराएर खोरमा बाँधेर घर फर्किएका उनले सोमबार बिहान खोरमा पुग्दा बाख्रा मारेर छोडेको अवस्थामा फेला परेको बताए ।
यस्तै उक्त ठाउँमा हप्ताको एक दुई बाख्रा बाघले खाने गरेको स्थानीयहरुले बताए । यसरि बाघले बाख्रा खान थालेपछि स्थानीय त्रसित भएका छन् । रतनपुर क्षेत्रमा जंगल नजिकै वस्ती भएको हुँदा बाघले खोरमै पसेर बाख्रा खाने र मार्ने गरिरहेका छन । गाउँमा बाघ छिर्न थालेपछि स्थानीय निकै त्रसित भएका छन् । बाख्रालाई पनि दिनप्रतिदिन आक्रमण गर्न थालेको छ भने ।
बाघलाई नियन्त्रणमा लिन आवश्यक पहल भने कुनै पनि निकायले चालेको भने छैन ।
