ललितपुर । प्रहरीले अवैध लागूऔषधसहित ललितपुरको नख्खुदोवाटो एक जना पक्राउ गरेको छ ।
ललितपुर–४ नख्खुदोबाटो खरिबोटबाट नियन्त्रित लागूऔषध नुर्फ्रिन १ सय ४३ एम्पुल, डाईजेपाम १ सय ५२ एम्पुल र फेनारगन १ सय २८ एम्पुलसहित ललितपुर महानगरपालिका–२५ भैसिपाटी बस्ने ३२ वर्षीय सुरेश पण्डित क्षेत्रीलाई बिहीबार साँझ प्रहरीले पक्राउ गरेको छ ।
प्रहरी प्रभाग सानेपाबाट खटिएको प्रहरीले ललितपुर भैसिपाटीदेखि जावलाखेलतर्फ जाँदै गरेको बा ४ च ८८७४ नम्बरको पिकअप भ्यानलाई जाँच गर्न क्रममा उक्त लागूऔषध फेला पारी चालक क्षेत्रीलाई पक्राउ गरेको हो ।
यसबारे थप अनुसन्धान गरिरहेको प्रहरीले जनाएको छ ।
