काठमाडौं । विश्वको सबैभन्दा ठूलो स्वमसेवी संस्था लायन्स अन्तर्राष्ट्रीय डिस्ट्रिक्ट ३२५ ई को चैत्र २४ गते अनुपम फूडल्याण्ड, बत्तीसपुतलीमा सम्पन्न दोस्रो बार्षिक अधिवेशबाट लायन बर्ष २०२४–२०२५ को लागि डिस्ट्रिक्ट गभर्नर पदमा लायन रामसरन बस्नेत निर्वाचित भएका छन् ।
त्यस्तै प्रथम भाईस गभर्नर पदमा लायन हिरा प्रसाद गुप्ता र दोस्रो भाईस गभर्नर पदमा लायन श्याम कुमार यादव निर्वाचित भएका छन्् ।
आवश्यकता परेको ठॉउमा सबैभन्दा पहिला पुग्ने लायन सदस्यहरु नेपालमा १५ वटा जिल्लामा ४५ हजारभन्दा बढी सदस्यहरु क्रियासिल छन । एक बर्षको कार्यकाल रहेको यस संस्था संयुक्त राष्ट्रसंघबाट मान्यता प्राप्त हो ।
लायन्स अन्तर्राष्ट्रीयका पूर्व अन्तर्राष्ट्रीय निर्देशक लायन ई. संजय खेतानको प्रमुख आतिथ्यमा सम्पन्न उक्त भव्य एवं सभ्य कार्यक्रममा सेवा र सदस्यताको क्षेत्रमा महत्वपूर्ण योगदान गरेका लायन साथीहरु लाई सम्मान पनि गरिएको थियो ।
तिलगंगाको प्रांगणबाट झॉकीसहित शुरू भएको प्रभातफेरीमा बगीमा डिस्ट्रिक्ट गभर्नर लायन हरि प्रसाद दाहाललाई नगर परिक्रमा गरिएको थियो ।
डिस्ट्रिक्ट भरिमा ११२ क्लब बाट क़रीब ५०० जना प्रतिनिधि सहभागि भएर दोस्रो जिल्ला अधिवेशन सहभागि भयो ।
