ललितपुर । ललितपुर महानगरपालिका वडा नं. १७ ईमाडोल बाफलस्थित जस्ताको टहरोमा आइतबार आगलागी हुँदा पाँच जना आगोले जलेर घाइते भएका छन् ।
घाइते हुनेमा रौतहट राजदेवी नगरपालिका घर भई ललितपुर ईमाडोल बाफल बस्ने ३५ वर्षीय संजय गिरी समेत ५ जना रहेका छन् ।
उनीहरूलाई उपचारको लागि किष्ट अस्पताल लगिएको छ । घाइते मध्ये ३ जनाको अवस्था गम्भीर रहेको छ ।
मबिल जम्मा गर्ने ठाउँमा अचानक आगलागी भएको भन्ने खबर प्राप्त हुनासाथ जिल्ला प्रहरी परिसर जावलाखेल, नेपाली सेना, सशस्त्र प्रहरी बल, स्थानीयबासी, ५ वटा दमकल र ३ वटा पानी ट्यांकरको सहयोगमा आगो पूर्णरूपमा नियन्त्रणमा लिइएको छ ।
यस सम्बन्धमा प्रहरीले थप अनुसन्धान गरिरहेको छ ।
