काठमाडौं । नेकपा (एमाले) को सचिवालय बैठक आज (मंगलबार) बस्दैछ । बैठक आज दिउँसो १ बजे पार्टी केन्द्रीय कार्यालय च्यासल, ललितपुरमा बस्नेछ ।
बैठकमा पछिल्ला राजनीतिक घटनाक्रम, नेताहरूको कार्यविभाजन र सरकारबारे छलफल हुनेछ ।
साथै, नेपाली कांग्रेस र एमालेबीचको सहमतिबारे पनि छलफल हुने बताइएको छ । कांग्रेस र एमालेबीच एमाले अध्यक्ष ओलीको नेतृत्वमा सरकार बनाउने र निर्वाचनताका कांग्रेस सभापति शेरबहादुर देउवाको नेतृत्वमा सरकार गठन गर्ने समझदारी भएको छ ।
