ललितपुर । लायन्स क्लब अफ काठमाडौं जावलाखेल फ्रेन्डस्ले पहिलो चार्टर नाइट तथा पद हस्तान्तरण कार्यक्रम सम्पन्न गरेको छ ।
लायन्स इन्टरनेसनल डिष्ट्रिक्ट ३२५ जे नेपालका पिआरओ इन चिफ लायन रामराजा थापाको प्रमुख आतिथ्यतामा भएको कार्यक्रममा लायन वर्ष २०२३-२४ मा कार्य सम्पादन गर्न सहयोग गर्नेहरुलाई प्रशंसापत्र समेत प्रदान गरिएको थियो । क्लबलाई एक वर्षभर नजिक रहेका सहयोग गर्ने लायन सित्तल प्रसाद शर्मा, लायन सन्तोष घिमिरे, लायन दिल बहादुर लामा र लायन्स क्लब अफ गोदावरीका प्रेसिडेन्ट लायन राजन आचार्यलाई प्रशंसापत्र प्रदान गरिएको थियो ।
कार्यक्रममा पास्ट प्रेसिडेन्ट लायन निरन्जन रिसालले पद हस्तान्तरण गर्दै आफ्नो कार्यकालमा क्लबले गरेका कार्यक्रमको बारेमा जानकारी दिए । त्यस्तै वर्तमान प्रेसिडेन्ट लायन दिल बहादुर लामाले यो वर्ष क्लबले गर्ने योजना बनाएका कार्यक्रमको बारेमा जानकारी दिँदै सहयोगको लागि सबैसँग आग्रह गरे ।
कार्यक्रममा प्रमुख अतिथी पिआरओ इन चिफ लायन रामराजा थापाले क्लबको थप उन्नती र प्रगतीका लागि शुभकामना दिए । समाजसेवाको यात्रामा सधैं अग्र भागमा रहेर काम गर्न उनले आग्रह गरे । कार्यक्रममा डिष्ट्रिक्ट ३२५ जे का एलसिआईएफ कोअर्डिनेटर लायन दिपक थापा, बागमती एरिया चिफ लायन सित्तल प्रसाद शर्मा, मिडिया चिफ लायन पुरुषोत्तम बस्नेत, रिजन चेयरपर्सन लायन सन्तोष कुमार ढकाल र लायन रोशन कुमार श्रेष्ठ, एरिया कमिटी चेयरपर्सन लायन अशोक श्रेष्ठ लगायतका लायन्स लिडरहरु उपस्थित थिए ।
