ललितपुर, जेठ १६ । स्वास्थ्यमा गम्भीर समस्या देखिएपछि महानगरीय प्रहरी प्रभाग लुभुका इन्चार्ज तथा प्रहरी नायब निरीक्षक (सइ) टेकबहादुर माझीलाई अल्का हस्पिटल एकान्तकुनामा आइसियूमा भर्ना गरिएको छ ।
शुक्रबार दिउँसोदेखि रगत नै वान्ता गरेपछि उनलाई तत्काल उपचार गर्नको लागि पाटन हस्पिटल लगिएको थियो । पाटनमा आइसियू खाली नभएपछि थप उपचारको लागि अल्का हस्टिपलमा भर्ना गरिएको महानगरीय प्रहरी परिसर जावालाखेलका प्रवक्ता तथा एसपी तुलबहादुर कार्कीले जानकारी दिए । माझीलाई आईसियूमा राखेर उपचार भैरहेको उनले बताए ।
माझी केही समयअघि मात्र सो प्रभावको इन्चार्ज भएका हुन् । उनको कोरोना परीक्षण गर्दा नेगेटिभ आएको थियो ।
विहानसम्म स्वास्थ्यमा कुनै समस्या नभएका माझीलाई दिउँसोदेखि रगत सहितको वान्ता भएको प्रहरीले जनाएका छन् । इन्चार्जलाई एक्कासी रगत वान्ता भएपछि त्यहाँ कार्यरत प्रहरी भने आत्तिएका छन् ।
