ललितपुर । ललितपुरको महालक्ष्मी नगरपालिका वडा नं. ६ सिद्धिपुरमा अवस्थित एभरेष्ट बैंकमा कार्यरत एक कर्मचारीमा आज कोरोना पोजिटिभ देखिएको छ ।
काठमाडौंको काडाघारीमा बस्ने वर्ष ३० का ती कर्मचारीले शुक्रबार राष्ट्रिय प्रयोगशाला टेकुमा गएर परीक्षण गरेको वडा अध्यक्ष वासुदेव महर्जनले जानकारी दिए । महर्जनका अनुसार ती कर्मचारीको रिपोट आज पोजिटिभ आएको बताए । उनले भने, ‘मैले उहाँहरुलाई आजदेखि सेवा बन्द गर्न निर्देशन दिएको छु ।’
एभरेष्ट बैंक सिद्धिपुर शाखाका शाखा प्रबन्धकले आजदेखि सेवा बन्द गरेको बताए । ‘हामीले उहाँलाई शंका लागेर चेक जाँच गर्न भनेको होइन’ शाखा प्रबन्धकले भने ‘उहाँ स्वविवेकले जानु भएको हो ।’ ती कर्मचारीको शंकास्पद रिपोर्ट आएको सुनेको उनले बताए । शाखा प्रबन्धकले भने, ‘एकिन भैसकेको छैन ।’
