काठमाडौं । बागमति प्रदेशकी उपसभामुख राधिक तामाङ र उनको ९ वर्षीय छोरालाई कोरोना संक्रमण भएको छ ।
सोमबार पुनः परीक्षण गर्दा रिपोर्ट पोजिटिभ आएको वागमती प्रदेशले जनाएको छ । उनी हेटौंडामा रहेको घरमै आइसोलेसनमा बसेकि छिन । तामाङ र उनको छोरालाई कोरोना संक्रमण भएपनी टीममा रहेका अरुको भने रिपोर्ट नेगेटिभ आएको उनकी स्वकिय सचिव एलिसा थापाले जानकारी दिइन । ‘उहाँ र छोराको दुइदिन अघि कोरोना परिक्षण गरिएको थियो, थापाले भनिन, आज रिपोर्ट पोजिटिभ आयो दुइजना घरमै सुरक्षित रुपमा बस्नु भएको छ, स्वास्थ अवस्था सामान्य छ ।’
तामाङलाई कोरोना कसरी सर्यो भन्ने खुलेको छैन । यसअघि गरिएको परिक्षणमा भने उनलाई कोरोना देखिएको थिएन । दोहोर्याएर गरिएको परिक्षणमा कोरोना फेखिएको स्वकीय सचिव थापाले बताइन ।
