काठमाडौं । सरकारले प्रमुख जिल्ला अधिकारी (सिडियो) ले कोरोना भाइरस (कोभिड–१९) संक्रमणको जोखिम हेरेर जुनसुकै बेला निषेधाज्ञा जारी गर्न सकिने अधिकार दिएको छ ।
सोमबार मन्त्रिपरिषद्को बैठकले उक्त निर्णय गरेको सरकारका प्रवक्ता,अर्थ, सूचना तथा सञ्चारमन्त्री डा। युवराज खतिवडाले जानकारी गराएका हुन् ।
सङ्क्रामक रोग ऐन, २०२० अनुसार सरकारले सम्बन्धित प्रमुख जिल्ला अधिकारीले जिल्ला वा जिल्लाको सिमित क्षेत्रमा मात्रै लागू हुने गरी निषेधाज्ञा गर्न सक्ने अधिकार पाएउने छन् ।
उक्त निर्देशन अनुसारका निर्देशिका, आदेश तथा निर्णय अटेर गरेमा कडा कारबाही गर्न पनि सरकारले प्रमुख जिल्ला अधिकारी सहित विभिन्न मन्त्रालय र गृह प्रशासनलाई निर्देशन दिएको छ ।
स्थानीय प्रशासन ऐन २०२८ अनुसार सरकारले निषेधाज्ञा जारी गरेमा सरकारी कार्यालयमा न्यूनतम कर्मचारी सहित कार्यालय चलाउने, अरुलाई घरबाटै काम गर्ने व्यवस्था मिलाउन पनि निर्देशन दिएको छ ।
