पर्सा । कोरोना संक्रमण भएर पर्सामा एक जना महिलाको मृत्यु भएको छ । वीरगन्ज हेल्थ केयर अस्थायी कोरोना अस्पतालमा उपचार गराइरहेकी ४० वर्षीया महिलाको बुधबार दिउँसो मृत्यु भएको हो । ती महिला उच्च मधुमेह र निमोनियाबाट पीडित थिइन् ।
वीरगन्जको रेशमकोठी निवासी ती महिलाको विगत ४ दिनदेखि एक निजी अस्पतालमा उपचार भइरहेको थियो । उपचारकै क्रममा मंगलबार उनको स्वाब परीक्षण गर्दा कोरोना संक्रमण पुष्टि भएको थियो । कोरोना पोजिटिभ देखिएपछि उनलाई कोरोना अस्पतालमा ल्याएको थियो ।
