ललितपुर । जिल्लामा रहेका एक महानगरसहित दुई वटा नगरपालिकामा कोरोना संक्रमितको संख्या निरन्तर बढीरहेको छ ।
आइतबार एकैदिन जिल्लामा १४ जनालाई संक्रमण पुष्टि भएको स्वास्थ्य कार्यालय ललितपुरले जनाएको छ । जसमा सबैभन्दा बढी ललितपुर महानगरमा पुष्टि भएको छ । महानगरमा ६ महिला र ३ जना पुरुष गरी १८ जनालाई कोरोना संक्रमण भएको छ ।
यस्तै महालक्ष्मी नगरपालिकामा एकजना पुरुष, २ जना महिला, गोदावरी नगरपालिकाको थप एक जना पुरुष र महांकाल गाउँपालिकमा थप १ जना पुरुषमा समेत कोरोना पुष्टि भएको स्वास्थ्य कार्यालय ललितपुरले जनाएको छ ।
पछिल्लो दिन तीनै नगरमा संक्रमितको संख्या बढ्दै गएको र उनीहरुको यात्रा विवरण लिएर घरमै र अस्पतालमा आइसोलेसनमा राखिएको स्वास्थ्य कार्यालय ललितपुरले जनाएको छ ।
योसँगै ललितपुरमा कोरोना संक्रमितको संख्या ४६९ जना पुगेको छ, जसमा पुरुष २७३ जना र महिला १९६ जना रहेका छन् ।
