काठमाडौं । ललितपुरको बागमती गाउँपालिका वडा नं. ५ इकुडोल घर भएका २० वर्षीय पुरुषमा कोरोजना पोजिटिभ देखिएको छ ।
ती २० वर्षिय युवा भदौ २ गतेदेखि कर्तव्य ज्यान मुद्धामा महानगरीय प्रहरी वृत्त चापागाउँको हिरासतमा रहेका छन् ।
गत साउन २३ गते अन्य २ जनासँग बागमती गाउँपालिका–३ भट्टेडाँडामा घुम्न गएकोमा दिपेन बर्देवा सम्पर्कविहिन भएको जानकारी प्राप्त हुनासाथ महानगरीय प्रहरी वृत्त चापागाउँले ती युवालाई नियन्त्रणमा लिएको थियो ।
संक्रमित युवा बागमती गाउँपालिका वडा नं. ५ इकुडोल घर भई हाल ललितपुर महानगरपालिका वडा नं. २४ धापाखेल बस्ने गरेको वृत्त चापागाउँले जनाएको छ ।
वृत्त चापागाउँका प्रहरी निरीक्षक राजन लम्सालले २० वर्षका ती थुनुवामा कोरोना पोजिटिभ देखिएको बताए ।
