ललितपुर । कोरोना संक्रमणबाट ललितपुर महानगरपालिका वडा नंं २४ धापाखेलका एक पुरुषको निधन भएको छ ।
मिर्गाैला सम्बन्धी रोगले पिडित ७२ वर्षिय पुरुष भदौ ८ गते पाटन हस्पिटलमा भर्ना भएका थिए । उनको बिहीबार मृत्यु भएको थियो । उनको स्वाव लिएर परीक्षण गर्दा कोरोना पोजिटिभ रिपोर्ट शुक्रबार आएको स्वास्थ्य कार्यालय ललितपुरका प्रमुख डा. खगेश्वर गेलालले जानकारी दिए ।
योसँगै ललितपुरमा कोरोना संक्रमणबाट मृत्यू हुनेको संख्या ५ पुगेको छ । यसअघि बागडोलका ६५ वर्षिय महिला, थसिखेलका ६५ वर्षका महिला, बुंगमतीका ५७ वर्षिय पुरुष, टीकाथलीमा ५० वर्षिय पुरुषको कोरोना संक्रमणबाट निधन भएको थियो ।
