ललितपुर । कोरोना संक्रमणबाट ललितपुरको लगनखेलमा रहेको पाटन हस्पिटलमा दुई महिलाको मृत्यू भएको छ ।
पाटन हस्पिटलका निर्देशक प्रा. डा. रवि शाक्यका अनुसार भक्तपुर र काठमाडौंका दुई महिलाको कोरोना संक्रमणबाट मृत्यू भएको पुष्टि गरेका हुन् ।
मृत्यू हुनेमा भक्तपुर जिल्ला ठिमी नगरपालिका वडा नं. ७ का ६२ वर्षका महिला स्वास प्रश्वास सम्बन्धी समस्या भई भदौ ७ गते भक्तपुरमा रहेको कोरियन अस्पतालमा भर्ना भएकी थिइन । थप उपचारको लागि कोरियन अस्पतालले पाटन हस्पिटलमा भदौ ९ गते रिफर गरेको थियो । उपचारको क्रममै ती महिलाको आज विहान मृत्यू भएको हो ।
त्यस्तै काठमाडौं जिल्ला काठमाडौं महानगरपालिका वडा नं. २१ जैसीदेवलका ५१ वर्षको महिला ज्वरो आई साउन २८ गते वीर हस्पिटलमा उपचार गराएको थियो । उनको पिसिआर लिई परीक्षण गर्दा साउन ३० गते पोजिटिभ आएको थियो । सोही दिन थप उपचारको लागि पाटन हस्पिटल ल्याएकोमा आज निधन भएको हो ।
पाटन हस्पिटल स्रोतका अनुसार मृत्यू हुने दुवै महिलामा अरु रोगको संक्रमण नभएको बताइएको छ ।
