वीरगञ्ज । पर्सामा थप ३२ जनामा कोरोना भाइरस संक्रमण (कोभिड–१९) पुष्टि भएको छ । वीरगञ्जस्थित नारायणी अस्पतालको प्रयोगशालामा आईतबार गरिएको परीक्षणको राती अबेर आएको रिर्पोटमा पर्साका थप ३२ जनामा कोरोना संक्रमण पुष्टि भएको नारायणी अस्पतालले जनाएको छ ।

नारायणी अस्पतालका अनुसार नारायणी अस्पतालको प्रयोगशालामा आईतबार गरिएको ४३६ जनाको स्बाव परीक्षणमा पर्साका ३२ जना , बाराका ४ जना , सर्लाहीका १ जना र ठेगाना उल्लेख नगरिएका १ जना गरी ३८ जनामा कोरोना संक्रमण पुष्टि भएको हो ।

पर्सामा थपिएका ३२ जनामध्ये वीरगञ्ज महानगरपालिकाका २३ जना , कालिकामाई गाँऊपालिकाका ९ जना रहेका छन् । वीरगञ्ज महानगरपालिको वडा नम्बर १ र ४ का ४÷४ जना , वडा नम्बर २ र ११ का ३÷३ जना , वडा नम्बर १२ र २० का २/२ जना , वडा नम्बर ३, ५ , ६ ,१३ र १५ का १/१ जना रहेका छन् ।

नयाँ थपिएका बारा जिल्लाका ४ जना संक्रमितमा कोल्भी नगरपालिकाका ३ जना र महागढीमाईका १ जना त्यस्तैगरी सर्लाहीको रामनगर गाँऊपालिकाकाको १ जना रहेको नारायणी अस्पतालले जनाएको छ ।

शनिबार थपिएका ४७ जना संक्रमित सहित पर्सामा कुल संक्रमितको संख्या २ हजार १ सय ९२ पुगेको जिल्ला प्रशासन कार्यालय पर्साले जनाएको छ ।