काठमाडौं । जुम्लाका प्रमुख जिल्ला अधिकारी (सिडिओ) भूपेन्द्र थापालाई कोरोना संक्रमण भएको छ ।
कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा थापाको स्वाब परीक्षण गर्दा कोरोना पोजेटिभ देखिएको हो ।
थापाले कोरोना भाइरसको महामारीको समयमा जनताको जीवनको सुरक्षा गर्ने सिलसिलामा आफू पनि संक्रमित भएको सामाजिक सञ्जालमामार्फत बताएका छन् ।
सिडिओलाई अहिलेसम्म कोरोना संक्रमणको कुनै लक्षण नदेखिएको कर्णाली स्वास्थ्य विज्ञान प्रतिष्ठान जुम्ला निर्देशक मंगल रावले बताए । स्रोतका अनुसार संक्रमण पुष्टि भएपछि उनी होम आइसोलेशनमा बसेका छन् ।
