काठमाडौं । काठमाडौं उपत्यकामा पछिल्लो २४ घण्टामा ३ सय ९६ कोरोना संक्रमित थपिएका छन् । स्वास्थ्य तथा जनसंख्या मन्त्रालयले दिएको पछिल्लो २४ घण्टाको विवरण अनुसार काठमाडौंमा ३ सय, ललितपुर ३८ र भक्तपुरमा ५८ गरी ३ सय ९६ संख्या थपिएको जानकारी दियो । मन्त्रालयका प्रवक्ता प्रा.डा. जागेश्वर गौतमका अनुसार उपत्यकामा संक्रमण अझै घट्न सकेको छैन ।
सरकारले भदौ ३ गतेदे उपत्यकामा निषेधाज्ञा लगाएको छ । यही अवधिमा पनि उपत्यकामा संक्रमण रोकिएको छैन ।
