ललितपुर । ललितपुरमा शुक्रबार थप ६८ जना कोरोना संक्रमित थपिएका छन् ।
ललितपुर महानगरपालिका, महालक्ष्मी, गोदावरी नगरपालिका र महांकाल गाउँपालिकाका विभिन्न स्थानका ६८ जनामा कोरोना पोजिटिभ देखिएको स्वास्थ्य कार्यालय ललितपुरले जनाएको छ । तिनीहरुमध्ये २८ जना महिला र ४० जना पुरुष रहेका छन् ।
पछिल्लो दिन संक्रमितको संख्या बढीरहेको ललितपुर महानगरपालिकाका २४ जना महिला, ३४ जना पुरुष गरी जम्मा ५८ जनामा कोरोना पुष्टि भएको छ ।
यस्तै महालक्ष्मी नगरपालिकाका ४ जना पुरुष, महांलक्ष्मी नगरपालिकाका ४ महिला र महांकाल गाउँपालिकाका २ पुरुषमा कोरोना पोजिटिभ देखिएको छ । उनीहरुको स्वास्थ्य अवस्था सामान्य रहेको छ ।
योसँगै ललितपुरमा कोरोना संक्रमितको संख्या १५ सय ६३ जना रहेको छ, जसमध्ये पुरुष ८७६ जना र महिला ६८७ जना रहेको छ ।
