काठमाडौं । पछिल्लो २४ घण्टामा काठमाडौं उपत्यकामा थप ७११ जनामा कोरोना भाइरस (कोभिड–१९) संक्रमण पुष्टि भएको छ । विभिन्न प्रयोगशालामा गरिएको परीक्षणमा उपत्यकामा ७११ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
काठमाडौंका ५७० , भक्तपुरका ८३ र ललितपुरका ५८ जनामा कोरोना भाइरस संक्रमण पुष्टि भएको मन्त्रालयले प्रवक्ता डा।गौतमले जानकारी दिए ।
काठमाडौंका संक्रमितमध्ये २११ जना महिला, ३५९ पुरुष, ललितपुरका ३० जना महिला, २८ जना पुरुष र भक्तपुरका ३७ जना महिला, ४६ जना पुरुष रहेका छन् ।
त्यस्तै आज काठमाडौं उपत्यककाका ५ जनाको निधन भएको छ । ललितपुरका ७६ वर्षिया महिला, ६८ वर्षिय महिला, ६० वर्षिय पुरुष र काठमाडौंका ७७ वर्षिया महिला, ७५ वर्षिय पुरुष रहेका छन् ।
काठमाडौं उपत्यकाका तिन जिल्ला काठमाडौं, ललितपुर र भक्तपुरमा कोरोना संक्रमितको संख्या ५ सय भन्दा बढी रहेका छन् ।
