काठमाडौं । नेपालमा कोरोना संक्रमितको संख्या फेरि बढ्न थालेको छ । पछिल्लो २४ घण्टमा थप १ हजार ५७३ जनामा कोरोना भाइरसको संक्रमण पुष्टि भएपछि संक्रमितको संख्या फेरि बढेको हो । विगत एक हप्तासम्म संक्रमितको संख्या १३ सय बढी थियो ।
स्वास्थ्य तथा जनसंख्या मन्त्रालयले आइतबार गरेको नियमित प्रेस ब्रिफिङमा देशभरमा थप १ हजार ५७३ जनामा कोरोना संक्रमण पुष्टि भएको जानकारी दिइएको हो । योसँगै देशमा संक्रिय संक्रमितको संख्या १९ हजार १९ पुगेको छ।
मन्त्रालयका प्रवक्ता प्राडा जागेश्वर गौतमका अनुसार हाल संस्थागत आइसोलेनमा ८ हजार ३२१ रहेका छन्। पछिल्लो २४ घण्टामा थप ८८५ जना निको भएर डिस्चार्ज भएका छन्। योसँगै निको हुनेको संख्या ५३ हजार ८ ९८ पुगेको छ।
शुक्रबार र शनिबार कोरोना निको हुने संख्या उच्च भएपनि आइतबार भने घटेको छ । सरकारले २५ हजार सक्रिय संक्रमित भए फेरि लकडाउन गर्ने तयारी गरेका कारण निको हुने दर घट्नु राम्रो संकेत नभएको विज्ञहरु बताउँछन् ।
