काठमाडौं । नेपाली सेनामा रिक्त रहेका विभिन्न पदको भर्ना प्रक्रिया सुचारु भएको जनाएको छ। कोरोना महामारीका कारण चैत ७ गतेदेखि स्थगित गरिएको भर्ना प्रक्रिया पुनः सूचारु गरिएको सेनाले जनाएको हो ।
२०७६ माघ ७ गते विभिन्न पदका लागि विज्ञापन गरिएकोमा कोरोना भाइरसको महामारीका कारण चैत ७ गते सबै प्रक्रिया स्थगित गरिएको थियो। मंगलबार एक सूचना प्रकाशित गरी सेनाले स्थगित गरिएका सबै भर्ना प्रक्रिया सूचारु गरिएको जानकारी दिएको हो ।
जंगी अड्डाका अनुसार सूचारु गरिएका परीक्षाबारेको जानकारी लोकसेवा आयोगको वेवसाईटमा गएर हेर्न सकिन्छ भने नेपाल आर्मीको वेवसाइट वा मोबाइल एपमा पनि हेर्न सकिन्छ।
