ललितपुर । काठमाडौँ उपत्यकामा पछिल्लो २४ घण्टामा ९ सय ३४ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयले मंगलबार दिएको जानकारी अनुसार काठमाडौं, ललितपुर र भक्तपुर तीन जिल्लामा थप ९३४ जनामा कोरोना पुष्टि भएको हो।
यो एकैदिन संक्रमित हुनेमध्ये अहिलेसम्मकै उच्च संख्या हो। मन्त्रालयका अनुसार उपत्यकाका काठमाडौँमा ७४७ , भक्तपुरमा ७३ र ललितपुरमा ११४ जनामा कोरोना पुष्टि भएको हो। ललितपुरमा सोमबार एकैदिन १ सय३७ जनामा कोरोना संक्रमण भएको थियो । पछिल्लो दिन उपत्यकामा तीव्र रुपमा संक्रमण फैलिएको छ । मंगलबार देशभर १ हजार ५१३ जनामा कोरोना भाइरसको संक्रमण पुष्टि हुँदा उपत्यकामा मात्रै ९ सय ३४ जनामा संक्रमण भएको हो ।
