ललितपुर । ललितपुरको महालक्ष्मी नगरपालिकाका मेयर रामेश्वर श्रेष्ठ २२ दिनपछि कोरोना संक्रमण मुक्त भएका छन् ।
पछिल्लो पटक भएको सिसिआर परीक्षण नेगेटिभ आएपछि उनी २२ दिनपछि सोमबार कोरोनालाई जितेर घर फर्किएका हुन् । उनकी श्रीमती अन्जिका श्रेष्ठ गएको शुक्रबार १९ औं दिनमा कोरोना संक्रमणमुक्त भएकी थिइन।
कोरोना भएपछिको जटिल स्वास्थ्यका बीच निरन्तर उपचार, निगरानी र हेरचाह गर्ने डाक्टरहरुलाई मेयर श्रेष्ठले धन्यवाद दिएका छन् ।
कारेना भएपछि उनी किष्ट मेडिकल कलेजको आइसोलेसनमा बसेका थिए ।
किस्ट शिक्षण अस्पतालका चिकित्सकहरु प्रा.डा. मिलेस सिजापती, प्रा.डा. सुरज बज्राचार्य र कन्सल्ट्यान्स सर्जन डा. अभिषेक थापाप्रति विशेष धन्यवाद व्यक्त गर्दछु । उपचारमा संलग्न डा. सन्तोष, डा. एलिना, डा. मुकेश लगायत चिकित्सकहरु, नर्सहरु, हाउस किपिङ स्टाफ र कर्मचारीहरुहरुप्रति आभार व्यक्त गर्दछु ।
उपचार व्यवस्थापनमा सहयोग गर्नुहुने किस्ट शिक्षण अस्पतालका प्रमुख डा बालमानसिंह कार्की र अध्यक्ष आशीष थापाप्रति आभार व्यक्त गर्दछु ।
मेरो स्वास्थ्यको विशेष चासो राख्नुहुने शुभेच्छुक एवं नगरबासीहरुप्रति कृतज्ञता व्यक्त गर्दछु, मेयर श्रेष्ठले सामाजिक सञ्जालममा लेखेका छन् ।
