काठमाडौं । पछिल्लो २४ घण्टामा उपत्यकामा मात्रै २५ सय ४० जनामा कोरोना पुष्टि भएको छ । स्वास्थ्य तथा जनसंख्या मन्त्रालयले बिहीबार दिएको जानकारी अनुसार काठमाडौं, ललितपुर र भक्तपुर तीनै जिल्लामा २५ सय ४० संक्रमित देखिएका हुन् ।
त्यसमध्ये सबैभन्दा बढी काठमाडौंमा २ हजार ८५, ललितपुरमा ३२० र भक्तपुरमा १३५ जना संक्रमित थपिएका छन् । २४ घण्टामा १८ हजार ४ सय ७३ पीसीआर परीक्षण भएको थियो । बिहीबार देशभरी ४३ सय ६४ जनामा संक्रमण पुष्टि भएको मन्त्रालयले जनाएको छ । यसैबीच कोरोना संक्रमणकै कारण १२ जनाको मृत्यु भएको छ ।
