भक्तपुर । भक्तपुरको सूर्यविनायकमा रोकिराखेको टिप्परमा ठोक्किँदा मोटरसाइकल चालकको ज्यान गएको छ । मोटरसाइकलको पछाडि बस्ने बालिका गम्भीर घाइते भएकी छिन । सूर्यविनायक नगरपालिका वडा नम्बर ५ चुनदेवीमा रोकिराखेको बा ३ ख ८८०३ नम्बरको टिप्परमा बा ३० प ९६११ नम्बरको मोटरसाइकल गएराती ठोक्किएको थियो । घाइते भएका चालक भक्तपुर नगरपालिका- ४ दरबार स्क्वायरका ३८ वर्षीय लक्ष्मण ट्वाटीको डाक्टर इवामुरा अस्पतालमा उपचारकै क्रममा मृत्यु भएको प्रहरीले जनाएको छ । मोटरसाइकल पछाडि बसेकी ७ वर्षकी प्रमिला लामाको सोही अस्पतालमा उपचार भइरहेको छ ।
